Teiknimiðlun með Valgerði Bachmann
Námskeiðið verður haldið miðvikudaginn 14.ágúst frá kl 17:00-22:00
hjá Sálarrannsóknarfélagi Íslands
Á námskeiðinu ætlum við að nálgast andaheiminn í gegnum list og sköpun. Það þarf enga listræna hæfileika fyrir þetta námskeið, en gæti verið þér ný leið að tengjast andaheiminum á öðruvísi hátt. Nemendur þurfa að geta tengt við andaheiminn og því hentar námskeiðið ekki algjörlega byrjendum. Við munum gera æfingar sem gæti opnað þér nýja leið að tengjast andaheiminum. Komdu og kannaðu þína list og sköpun með andaheiminum, þó svo að þú teljir þig ekki með listræna hæfileika.
Gott er að taka með sér það sem þér finnst gott að teikna með. Penna, Blýant, Tréliti, pastelliti. Allur pappír verður til staðar og einnig eitthvað af ofangreindum verkfærum. Tekin verður pása, svo gott er að taka með sér létt nesti.
Verð: 18.000 kr
Skráning hér: https://www.srfi.is/skraning-namskeid/ eða í síma 551-8130.
Ath að skrifstofan er einungis opin mánudaga og þriðjudaga í júlí frá 13:00-16:00.
Um Valgerði Bachmann
Valgerður er spámiðill og vinnur með spil sér til hliðar. Valgerður hefur unnið að andlegum málefnum síðan 2009. Valgerður hefur haldið Jóga námskeið fyrir börn með greiningar og Jóga Nidra námskeið fyrir fullorðna. Hún er einnig Reikimeistari og hefur boðið upp á einkatíma í heilun og höfuðbeina- og spjaldhryggsjöfnun. Að lokum er Valgerður markþjálfi og leyfir hún þeirri menntun að flæða inn í einkatímana.
Hægt er að spyrja Valgerði spurninga í einkatímum.
Valgerður hefur unnið mikið með börnum sem sjá og finna fyrir þeim sem eru farnir og þekkir það vel úr sinni æsku. Valgerður tekur einnig að sér að hreinsa í húsum hvort sem það er að koma á staðinn eða ekki. Hægt er að bóka tíma fyrrir börn og hreinsun í húsum á skrifstofutíma eða á srfi@srfi.is
Þar að auki er Valgerður sjálfstætt starfandi rithöfundur og grafískur hönnuður. Hún hefur hún gefið út barnabækurnar Hulda og töfrasteinninn, Litlu stafabókina og Litlu tölubókina. Andlegu spilin Leiðin þín, Alheimsorkuspilin og Written in the stars spilin Hún hefur einnig og hannað fyrir ýmis fyrirtæki. Námskeið og viðburðir: Alheimsorkunámskeið, Sígaunanámskeið, þróunarhópar, verið með Skyggnilýsingar um landið, Draumanámskeið, Teiknimiðlun
Bóka einkatíma á netinu: https://noona.is/saloisland