Loading Events

« All Events

  • This event has passed.

Jóga Nidra hádegis hugleiðsla og slökun – opinn tími 14/14

16. December 2021 @ 12:00 pm - 12:50 pm

2.000kr

Opnir tímar í jóga Nidra með Jóhönnu Briem fara fram í sal Sálarrannsóknafélags Íslands klukkan 12:00 í hádeginu alla fimmtudaga frá 16.september – 16.desember 2021.

 

Jóhanna er jóga Nidra leiðbeinandi frá Amrit yoga Institute (framhaldsmenntun), jógakennari frá Himalaya yoga Institute, með MA gráðu í áhættuhegðun og forvörnum frá HÍ og löggiltur sjúkranuddari. Jóhanna hefur verið með jóga Nidra námskeið undanfarin 5 ár meðal annars í Endurmenntun HÍ, Heilsuborg og Heilsuklasanum.

 

Jóga Nidra er aldagömul hugleiðsluaðferð sem hefur verið að ryðja sér aftur til rúms á vesturlöndum á undanförum áratugum. Jóga Nidra byggir á því sem líkaminn kann, það er að sofna, og kallast jóga Nidra einnig “jógískur svefn”. Hugleiðslan nýtir líffræðilega svefnferlið þar sem heilabylgjur verða sífellt hægari og við sofnum, en í jóga Nidra förum við inn í þetta djúpa svefnástand í vakandi vitund. Í þessu djúpa vitundarástandi lærum við að vera vitni að hugsunum og tilfinningum og þar með öðlumst við hæfni til að stýra huganum betur, draga úr streitu og sofa betur. Í þessari djúpu hvíld þar sem gerum ekkert, virkjum við slökunarhluta ósjálfráða taugakerfisins en þar fer heilun og viðgerð á líkama fram eins og í djúpum svefni. Jóga Nidra nýtir sér líkams- öndunar- og núvitundaræfingar til þess að ná fram þessari djúpu slökun. Hugleiðslan fer fram í liggjandi stöðu á dýnu á gólfinu undir teppi. Þessi hugleiðsla er fyrir alla og engin þekking á jóga nauðsynleg.

 

Það sem þarf að taka með: eigin dýnu, lítinn púða og teppi. Sumum finnst einnig gott að hafa einhvers konar léttan klút yfir augun.

 

Stakur tími: 2.000kr

 

Einnig hægt að kaupa:
Mánaðargjald: 6.000kr
10 tíma klippikort: 15.000kr

Details

Date:
16. December 2021
Time:
12:00 pm - 12:50 pm
Cost:
2.000kr