Friðbjörg Óskarsdóttir og Unni Teits

Þróunarhópur með Friðbjörgu Óskarsdóttur og Unni Teits

Kennt verður 14 skipti, á fimmtudagskvöldum, 10. sept. – 10. des., kl. 20:00 – 22:00

Verð: 45.000

Í hverjum hóp eru 6 – 10 manns.

Grunnur kennslunnar er “Kjarnavinna” sem er sjálfsvinna þar sem aðaláhersla er lögð á að tengjast kjarnanum, tengingu við æðra sjálfið , innri þekkingu sem við höfum öðlast í gegnum líf okkar nú og fyrri líf, auka næmnina og tengjast hæfileikum okkar, einnig efling í að hlusta á innsæið, sem er í raun það eina í lífinu sem er fullkomlega treystandi. Einnig að styrkja sjálfsmyndina. Við veljum sjálf hvað við gerum með hæfileika okkar. Hugleiðslan er m.a góð leið til að ná þeirri tengingu og verður lögð mikil áhersla á hana og verður undirstaða sjálfsvinnunnar.

Hugtakið “Ég er” er grunnur námsefnisins. Merking þess er að í okkar innsta kjarna séum við með tengingu við okkar eigin guðlega kjarna og við kjarna Alheimsins. Til að ná þeirri tengingu er nauðsynlegt að þekkja sjálfan sig, bæði styrkleika og veikleika. Tengjast leiðbeinendum og efla hlustun. Einnig að skoða hin ýmsu hlutverk okkar í lífinu.

Áhersla er lögð á sjálfstæða hugsun og sjálfsskoðun, bæði sem andlegar og jarðneskar verur. Í því felst að efla tengingar okkar við okkur sjálf (efnið og andann), líkamann og sköpunina sem við búum öll yfir. Vinnum með orkustöðvarnar. Einnig eru æfingar í heilun, skynjun og miðlun.

Friðbjörg Óskarsdóttir

Friðbjörg hefur leitt hópa í 27 ár. Hjá Sálarrannsóknarfélagi Íslands í 12 ár og síðan í Kærleikssetrinu. Hefur hún þjálfað bæði heilara og miðla og margir þeirra eru starfandi enn í dag. Hennar aðalkennarar utan einstakra námskeiða voru Unnur Guðjónsdóttir, Zena Davis, Karina Becker og Tim Abbot.