Hópastarf SRFÍ.

Öflugt og fjölbreytt hópastarf hefur verið starfrækt hjá Sálarrannsóknarfélagi Íslands til fjölda ára, þar sem næmni og færni þátttakenda er styrkt með hugleiðslum og æfingum.
Í starfinu er leitast við að veita leiðsögn og fræðslu um andlega iðkun með áherslu á hugleiðslur, heilun og miðlun, sem og því að tengjast leiðbeinendum hvers og eins.
Hópastarfið hentar öllum, bæði nýnemum sem og lengra komnum og ekki er þörf á að hafa einhverjar sérgáfur til þess að taka þátt i því.
Öll erum við andleg og það styrkist sem lagt er rækt við. Í einhverjum framhaldshópunum er þó áherslan aðallega á að þjálfa miðlun og transmiðlun og þarf fólk sem skráir sig í þá hópa að hafa einhvern grunn til að byggja á.

✴Frekari upplýsingar um hópastörf á döfinni og haustdagsskrá verður auglýst von bráðar✴


Janúar – maí 2020

Mánudagar 20:00 – 21:30

Bæna og hugleiðsluhringurinn með Dóru Kristínu.

 
Farið er inn í leidda hugleiðslu og bænin tekin þar inn í.
Á eftir fær hver og einn tækifæri til að ræða sínar upplifanir. 
Hvert skipti kostar 1500 kr og er innifalin örspá. 

Frjáls mæting og allir velkomnir. 

Mánudagar kl. 20:00 – 21:30, (eða þ.u.b. fer eftir fjölda þáttakenda hverju sinni).
 
Tímabil: frá byrjun september og til 25 maí.

Verð: 1500kr hvert sinn
Staður: Salur

Þriðjudagar 19:00 – 21:00

Transmiðlun og miðilsþróun
með Garðari Jónssyni.

8 vikna námskeið 1x í viku þar sem áherslan er á transmiðlun en einnig verður farið inná aðrar tegundir miðlunar.
Skilyrðin eru einföld þar sem ástundun er nauðsynleg, nemar þurfa að hafa nægan áhuga og vilja til að taka leiðsögn og átta sig á að það helst í hendur við árangur til framtíðar.

Garðar leiðbeinir fólki að ná tökum á hæfileika sínum með æfingum og útskýringum.

Enginn nær árangri án ástundunar og metnaðs!

Kostnaður: vikuleg borgun 10.000kr. samtals: 80.000kr.
8 vikur borgaðar fyrirfram og sparið, samtals: 65.000kr.

Staður: Salur SRFÍ

Þriðjudagar 19:30 – 21:30

Hugleiðsla, næmni og tengingar
með Davíð Guðmundssyni.

Hugleiðsla er grunnur andlegrar vinnu og þróunnar. Hún er góð sjálfsrækt, hjálpar til að finna hvar hæfileikar liggja og til andlegs þroska. Einnig er farið í heilun, skilaboð frá leiðbeinendum, vinna með spil og fleira skemmtilegt.

45.000kr.

Staður: Herbergi 2

Fimmtudagar 19:30 – 21:30

Fyrri hluti: Febrúar 6, 13, 20, 27.
Tarotspil – lyklar að leyndardómum með Soffíu Petersen.


Langar þig að læra að lesa Tarotspil?
Ertu forvitin/nn um merkingu þeirra?
Áttu kannski spil niðri í skúffu sem fá aldrei að sjá dagsins ljós?
Viltu virkja innsæið þitt og nýta spilin til að leiðbeina þér og öðrum?
 
Þá gæti þetta námskeið verið eitthvað fyrir þig.
 
Námskeiðið er byrjendanámskeið. Þú þarft lítið sem ekkert að vita um spilin, aðeins að hafa áhuga á að læra hvernig hægt er að nota þau á einfaldan hátt, þér og öðrum til góðs. Farið verður yfir sögu Tarotspilanna, uppbyggingu þeirra, táknmál og helstu lagnir. Rider-Waite spilin verða notuð sem útgangspunktur, en fleiri tegundir spila verða einnig skoðaðar. Það er þó ekki nauðsynlegt að koma með þann stokk, ef þú átt öðruvísi spil. Samvinna verður á milli þátttakenda og létt úrvinnsla/heimaverkefni á milli tíma. Því er kjörið að taka með sér góðan vin/vinkonu, en alls ekki nauðsynlegt. Takmarkaður fjöldi þátttakenda verður á námskeiðinu, því er um að gera að skrá sig sem fyrst.
 
Sjálfstætt framhaldsnámskeið verður auglýst síðar.
 
Nánari upplýsingar um námskeiðið hjá SRFÍ í síma 551-8130.
Einnig er hægt að senda Soffíu skilaboð/fyrirspurnir í gegnum Fb-síðuna Miðlun Og Heilun.
 

Soffía er kennari að mennt og hefur haft áhuga á og notað Tarotspil í hátt á þriðja áratug. Hún hefur sótt fjölda námskeiða í heilun og miðlun undanfarin ár og starfar nú hjá SRFÍ sem leiðsagnarmiðill, þar sem hún nýtir Tarotspil til aðstoðar.

 

Verð: 25.000kr

Staður: Salur SRFÍ

Fimmtudagar 19:30 – 21:30

16. janúar – 30. apríl 2020

Þróunarhópur
með Friðbjörgu Óskarsdóttur og Unni Teits.

Áhersla lögð á grunnvinnu sem felur í sèr, sjálfsvinnu, jarðtengingu, eflingu verndar, setja mörk og hlusta á innsæið.

45.000kr.

Staður: Herbergi 2

1919

Hver er ég? Þori ég að vera ég? Hver svarar?

Á námskeiðinu mun Davíð leggja áherslu á hvernig við förum að því að kyrra hugann, meðal annars með því að kenna einfaldar hugleiðsluæfingar.

Með því að kyrra hugann og ná góðri slökun komumst við nær sjálfinu og getum virkjað þá góðu eiginlega sem innra með okkur búa. Við verðum næmari og getum virkjað næmni okkar á jákvæðan hátt.

Námskeiðið er jafnt fyrir byrjendur sem lengra komna.

Mánudagar kl. 20:00 – 21:30.
23. september – 2. desember, 2019
36.000 kr.

Þróunarhópur Friðbjargar og Unnar Teits,

Áhersla lögð á grunnvinnu sem felur í sèr, sjálfsvinnu, jarðtengingu, eflingu verndar, setja mörk og hlusta á innsæið.

Fimmtudagar 19:30 – 21:30
12. september – 28. nóvember, 2019
36.000kr

ÞESSI HÓPUR FYLLTIST Á KYNNINGARFUNDINUM!

Fleiri viðburðir eru í vinnslu, hafið augun opin fyrir fleiri hópum og námskeiðum á næstunni.

Hugleiðslur

Með hugleiðslu náum við að kyrra hugann þannig að alheimsorkan eða Guðsorkan, hvort sem við kjósum að nefna hana, á greiðari aðgang að okkur. Hugleiðslur hjálpa okkur við að tengjast okkar æðra sjálfi, að finna þennan neista guðlegrar orku sem í okkur býr. Þennan „ég er“ kjarna. Við lærum að þekkja okkar eigin orku og einnig kynnumst við leiðbeinendum okkar og verndarenglum sem svo gjarnan vilja aðstoða okkur á allan mögulegan hátt, ef við leyfum þeim það. Við leitumst við að finna jafnvægið á milli þess að dvelja í líkama en vera jafnframt andlegar verur, finna tengsl okkar bæði við jörð og alheim. Þar kemur góð jarðtenging að notum. Kennt verður um orkustöðvar líkamans og hugleiðslan notuð til að heila þær og hreinsa. Verndin verður kynnt. Verkefni verða sett fyrir og þau rædd næst þegar hópurinn kemur saman. Við þjálfum næmnina og innsæið. Kíkjum á spil og pendúla.

 

Læknamiðlun

Huglækningar hafa allt tíð fylgt manninum. Við notum þær oft ómeðvitað. En hversu öflugri eru þær ekki þegar við heilum meðvitað? Við prófum okkur áfram með kærleikann að leiðarljósi og leyfum birtunni að lýsa okkur og samferðafólki okkar.
Öll styrking kemur innan frá og öll kyrrð og allt jafnvægi einnig. Og allt er undir einstaklingnum komið hver hans sjálfsvinna er. En þegar við finnum tengslin við hinn andlega heim þá fer okkur að skiljast svo margt og þá þyrstir okkur eftir að vita svo margt fleira. Við fáum ekki öll svörin og andleg leit er ekki eitthvað sem tekur enda. En kyrrðin ein og það að finna tengslin við guðdómleg öfl eru vinnulaun okkar og fyrir þau þökkum við.